一齊面對困難
英的前夫離開英及小朋友與其他女人居住。同一時間，她的父親突然離世。經歷背叛和哀傷，她受憂鬱症困擾。中心同事跟她一同尋求精神科及法律援助。
「當我遇到困難，又需要自己獨自面對，我真係好無助同焦慮。如果無遇到中心，你哋唔同我一齊去睇醫生，唔同我一齊面對，我唔敢去面對依啲困擾。婚姻已經煩咗我好耐，我一直都走唔過依段難關。但依加我有好多轉變，我學識咗尋求協助。」
個案分享
由絕望、接受到感恩
恩的老公死於肺癌， 後來參與個案輔導服務。
「當我得知老公有肺癌果陣，你哋都有游說我叫我要準備同接受老公的離去。講真， 呢樣真係好痛苦同好難接受。但咁令我係心理上都準備好，可以有充分的時間同老公和女兒一齊籌備，宜家我哋都冷靜左好多。因為當時已經計劃咗好多去完成我同老公既共同夢想。」
渡過經濟難關
「好多謝你地呢幾個月以嚟嘅熱心幫助，如果你當初無主動聯絡我，我都無辦法去想像點捱過係今次疲情下嘅經濟危機。你介紹咗我申請左公益金既緊急援助金同在職家庭津貼。宜家呢兩個援助都已經批咗，我亦能捱過今次嘅危機。」
與小朋友們共同學習
「好多謝你哋嘅中心有安排比我哋可以帶小朋友上嚟玩同放鬆。我都睇得出個女係有呢個機會可以學習到同其他小朋友玩， 而且你哋員工都當我個女係自己個女，我同個女都覺得比之前開心咗好多。」
簡簡單單也可以好快樂
滿是越南籍單親媽媽，現正領取政府補貼。
「我真係無錢，我剩係會帶個女落樓下公園玩。佢覺得好孤單，但宜家佢覺得好開心因為可以參加中心嘅家庭聚會，仲可以同其他小朋友一齊玩。」